فى حضن الشمس

حبيبى ......

بأناملك الذهبية وعيونك السحرية

أخذتنى إلى عالم بلا نهاية أبدية

وهناك رأيت السحب مع النجوم الفضية

ترقص أروع رقصة رومانسية

سمعت العصافير تعزف أجمل سمفونية

سمفونية عشق لك.. حبيبى.. بكل الحروف الابجدية

وهناك بين الغيوم وقطرات الندى اللؤلؤية
علمتنى.. حبيبى.. أن الحب بلا هوية أسمى معانى الحرية

غفوت قليلا بين أحضانك و خيوط الشمس الحريرية تداعب أحلامنا الوردية

أخبرتنى انك تحبنى بكل المعانى الخيالية

وأن حبك لى يتجاوز كل حدود قلبى الجغرافية

وفجأه....... أفقت من عالم أحلامى إلى دنياى الواقعية

أدركت أنه كان حلم لفتاة عاطفية

أرادت أن تحيا كما الغيوم فى حضن الشمس الذهبية.

تاج من ارق كلمات

سلام عليكم ورحمة الله.....



التاج دة هدية من احلى كلمات فى الدنيا.... ليلة شتاء.....

فكرة البوست انى اكلم عن ست اسرار عن نفسى ممكن مفيش حد يكتشفها من اول مقابلة ليا

وتانى حاجة انى اهدى التاج دة لست مدونين تانين وكمان اترك لهم تعليقات فى مدوناتهم علشان يعملوا الواجب دة





بالنسبة بقى للأسرار.... خدوا عندكم....



انا إمرأة من ثلج

صنعها ذاك العقل وأتقن



بعقلى أمتلك الدنيا وقلبى أتركة لينبض



ايحث عن فارس ....

يقتحم قلاعى ... يهدم أسوارى

يكون ملازى حين تشتعل النيران





إمرأة حالمة راقية المشاعر...... بالرغم ان من يتاعمل اول مرة معى يجدنى حادة الطباع



يلا يقى كفاية كدة أسرار....

يزدنى شرف انى أهدى التاج دة لكلا من....

مس فينوس

القمر الباكى



طالبة مقهورة



الحب الاول



شدا الروح

حلمى البعيـــــــد

فى زمن غير الزمن

ومكان غير المكان

مكان فية الحب عنوان وزمان فية الرجولة كاملة الأوصاف والأنوثة مش بس جمال ورقة ودلالل لادى كمان أدب وأخلاق قمة الإلتزام يعنى من الأخر بنت حلال

وفى الزمن ده عاشت على جزيرة بعيدة ست الحسن والجمال....... جزيرة بعيدة حدودها القمر سكانها مش من البشر سكانها حبة حمام وعصافير وكمان شوية يمام... عاشت ست الحسن والجمال فى بيت كبير حيطانة ورق من ورق الشجر وبيبانة من عضون الورد وحبة ندى مطر

عاشت ست الحسن والجمال حزينة وحيدة بس فى نفس الوقت سعيدة بمناجتها وسهرها مع القمر.... بس رب البشر علام الغيوب أستجاب الدعاء وسخر القدر .... وهبط على جزيرتها أمير... اة أمير... أمير مملكة السحاب هبط ببساط ولا فى الخيال على جزيرتها جزيرة الأحلام ..... وطلب الود وكمان القرب من ست الحسن ..... فى الأول أتمردت وكمان أتأمرت لكن بعد كدة وفقت وأتشرطت.... طلبت دبلة واحدة مغزولة بخيوط المطر وكمان نجمة وحتة من القمر.

وأستجاب امير مملكة السحاب من غير عناد.... وطلبت بكل الود منة انة يتقى فيها رب العباد ولا يكذب ولا يخون ويقدم كل الوفا ...وقتها هسلم لسلطان الهوى وعشق الغرام وأقدم كل الهنا والحب وكمان الأمان

فرحت عصافير الجزيرو وكمان اليمام بزفاف ست الحسن وكمان فرح القمروكل نجوم السما وقدمت التهانى ... يسلام.... يسلام....

ودا كان حلمى البعيــــــــــــــــــــد..... وقريب ان شاء الله يبقى فى متناول الإيــــــــــــــــــــــــــــــــــد

طابور العيش

أزيكم...... وحشتونى

انا مش هتكلم زى ما توقعتم من عنوان الموضوع عن أزمة العيش فى بلدنا لأن العيش أصلا عندنا فى البلد دى زى الفل.....ومفيش اى مشكلة... مفيش أزمة أصلا.. بس بعض الجاحدين والناكرين لجمايل الحكومة هما إلى بيقولوا كدة.. العيش فى بلدنا متوفر بكثرة فى كل الأفران رغيف العيش الواحد يكفى يأكل عيلة من 5أفراد العيش ابيض زى الفل زىالعيش المخبوز بتاع الفلاحين....دا كمان الحكومة بتستورد أجود انواع القمح والدقيق من بلاد برة علشان تخبزلكم عيش وبتجبلكم شحنات قمح مسرطن وفاسد( قصدى قمح مستورد درجة أولى).. عيش غنى بالحديد اة فية مسامير حديد ولا مش حديد.... دا كمان من كتر حبهم فينا حطين لينا فيتامينات حشرية أشى صراصير.. وشوية نمل يلا خير وبركة ... أما بقى العيش فالحكومه عاملة لينا خدمة التوصيل للمنازل يعنى مش بنقف طوابير بالساعات علشان نجيب بنص جنية عيش للعيال.... اما بقى شهيد العيش فدى إشاعات مغرضة علشان تبوظ إنتاج بلدنا....

(برجع وأقول العيش مش فية أزمة ياجماعة

تكملةبقى لمهزلة طابورالعيش

.... انا كل يوم بعدى من على فرن عيش جانبنا بلاقى مشهد غريب طابور الرجالة واصل لأخر الشارع بس واقفين بنظام ومستنين الدور... اما بقى طابور الستات ياساتر يارب فضايح كل ست مسكة ودان التانية وبتكلم ولى بتشاكل مع الى قدمها أصلها أخدت مكانها فى الطبور... دى وصلت لشد الشعر والطرح بجد واللة؟؟؟؟؟ ونلاقى طابور الرجالة الى فى اخر الشارع خلص وجة ناس مكانهم اما بقى طابور الستات لسة زى ماهوا ما تحركش ولسة بردة الستات عمالة تتشاكل مع بعضها... والراجل بتاع الفرن مطنشهم وبيدى للرجالة

السؤال الى بيجى فى بالى لما بشوف المنظر دة ازاى المرأة قادرة تجمع بين نقيضين النظام وعدم النظام....أزاى الست ربة الاسرة الى بتدير بيت كامل وبتربى وتطلع أجيال أزاى المرأة الى الوقت بقت وزيرة وقاضية ومديرة وفى بلاد تانية رئيسة أزاى الست لما تيقى نصف الحياة وانا فى رأى هى الحياة كلها يبقى ده سلوكها

(سؤال لسة مش عارفة لية أجابة).. هو دا أصلا الموضوع الرئيسى الى كنت هتكلم فية بس بصراحه قلت لازم الأول أدافع عن أنتاجنا الوطنى للعيش بعد كل الأشاعات المغرضة الى سمعتها عنه ودقتها وشوفتها بنفسى

أما بقى العيش الى فى البوست فدا هدية منى لكل زوار المدونة كل واحد ياخد رغيف واحد بس ودا مش صناعة بلدنا لا دا مستورد بالسمسم.... يلا رحمتكم من الوقوف فى الطابور

أسهل الطرق الفاطمية....للموت بفاعلية

عزيزى المشترى......عزيزتى المشترية الى قاعدين قدام المدونة ليل ونهار النهاردة جيبلكم منتج رائع قمة الجودة والفاعلية ماركة عالمية مسجلة(ماركةعزرائيل)ومنتجنا أسمة (أسهل الطرق الفاطمية .... للموت بفاعلية)

بس منتجنا للأمانة التجارية فية عيب صغير أوى؟؟؟؟؟ أن أثرة بطىء ومدى فاعلية متوقفة على شطارتك عزيزى المشترى.... وعلشان انا بحب أعمل من الفسيخ شرباط زى باقى القنوات الأعلانية المنافسة تعالوا شوفوا تجربت صحبنا دة الى المنتج أشتغل بسرعة معاه بس للأسف مش هتقدرو تشفوة بشكل مباشر لأنة الوقت عند الرفيق الأعلى..... بس لو حبين برحتكم.... صلو على النبى.......

صحبنا دة كان بيشتغل فى شركة كبيرة تملك تلاجات كبيرة لحفظ المواد الغذائية... وفى يوم كان لازم يدخل فى واحدة من التلاجات دى علشان يعمل جرد للصناديق الغذائية وفجأة.... أتقفل علية باب التلاجة عن طريق الخطأ وفضل يخبط على الباب كتير بس مفيش حد سمعة.. والمصيبة ..ان تانى يوم كان الجمعة وأجازة سعتها فقد صحبنا دة الأمل وعرف أنه خلاص ميت ميت.... وفضل قاعد مستنى مصيرة المحتوم وفى اليوم التانى جه أصحابة للشركة فى يوم دوام عادى ولما فتحوا باب التلاجة علشان يكملوا شغلهم لقوا صحبنا دة ميت(ودة طبعا بفضل منتجنا) ولقوا كاتب ورقة جنبة وقال فيها(أنا الأن محبوس فى التلاجة أحس ان أطرافى تتجمد وأشعر انى مش قادر أتحرك وانى هموت من البرد)

العجيب ان التلاجة كانت مطفية ومش متوصلة بالكهربا*****

الوقت بقي أقولكم مكونات منتجنا المذهل الى طبعا حبتوه وهتشتروه...

1. شويه وهم انى مش قادر أعمل حاجة وأنى فاشل وأن الظروف وحشية وان حظى وحش
2. مقداركبير من الرسائل السلبية الى بنرسلها للمخ الى أثبت الدراسات مدى فاعليتها( أقصدى خطورتها)على التأثير على سلوك الإنسان وسلوكة ومعتقداته وتصرفاتة
3. ومقداريمثل45% من الأحباط الى بيأكد للواحد انة فاشل وغير قادر علىتحقيق أحلامة وأنها مستحيلة وصعبة التحقيق وبتعيق الفرد على مواصله العمل والأنجاز
4. فقدان الثقة بالله ودى بتمثل65% من مكونات منتجناودى بتأدى ان ميكنش ليك هدف فى الحياة وتعيش وخلاص ولو انتا مش واثق فى ربنا يبقى بشكل طبيعى مش واثق فى نفسك ولا فى قدراته
   

وفى النهايه بنصح كل متابعين شركتنا الأعزاء انهم مايشتروش المنتج دة لانة ضار بالصحه زى مقالت وزارة الصحة .

خلى ثقتكم فى الله كبيرة ..وكمان ثقتكم فى نفسكم وقدراتكم... أمسحو كل الرسائل السلبية وحطوا مكانها رسائل إيجابية ..وأفتكر أنكوا قبل كدة واجهتوا مصاعب وقدرتوا تتخاطوها ...أفتكروا نجاحاتكوا السابقة....والدعاء صدقونى مهم جدا

****فكرة القصة مستوحاة من قصة قرأتها فى مجلة كلمات

مع خالص إحترامى....

الشركة الفاطمية لبيع المواد المؤذية

أريد قلبــــــــــــى

أريد قلبى كما كان

قويالا يقهره أى إنسان

فكم تتالت عليه الأحزان

وأبى أن يضايقه الزمــــان

لكن بعد الذى كــــــــــان

وإهتزت لحبك الأركـــــــان

أحببتك بكل الوجــــــــدان

وقتلت حبى بكل عنفـــــــوان

فلك منى كل إمتـــــــــــنان

فلقد صار قلبى أقوى مما كان

لا يحركه الهوى وتلك العينان

بنظرات حبا أو عشقا أو عرفان

فلم يعد لك فى قلبى مكان

ولا لأى إنســــــــــان

فلقد صار قلبى جامد قاسيا كالصوان

فلك مـــــنى كل إمتنــــــان

أنقذونى.....قبل أن يهدمونى

فعلا الكلام الى سمعناه صح هيهدوا المسجدالأ قصى؟؟؟؟؟؟؟؟؟..؟

فعلا المرة دى الكلام بجد مش كلام وبس دى حقيقة....أزاى؟؟؟؟؟؟

أقولكم أزاى.... الصهاينة بقالهم سنين بيحفروا تحت المسجد الأقصى وأحنا نايمين ومش حاسين وده إلى خالا المسجد الأقصى زى مابيقول المهندسين المعمارين (معلق فى الهواء) ودة نتيجة الحفريات والأنفاق الى الصهاينة بيقموا بيها بقلهم سنين.

طب بعدين.....هما أولاد الأية مكتفوش بكدة لا دول كل يوم والتانى بيدنسوا ساحات المسجد الأقصى ويقتحموة وكل ده تحت حماية عساكرهم وكلابهم ودة فى محاولة منهم الإثبات ان ليهم حق فى المسجد الاقصى

لسة مصرين نعمل نفسنا نايمن أو عارفين ومطنشين ....طيب شوفو هما بقى مصحصين أوى ومركزين.....

أعلن اليهود أنة بعد مرور30شهر ستصبح القدس بكل مقدساتها يهودية والكلام دة مش بعبة فضيه فى ساعة تجلى عند أولاد الأية لاده كلام أكيد ومخططين لية كويس أوى مهما الوقتى قاعدين يهدموا كل بيوت الفلسطنين أو يغتصبوها ودة علشان يبنوا مكانها مستوطنات وبعد كدة تبقى الأرض أرضهم والمال مالهم وميبقالناش فيها حاجة

أما بقى الخطوة إلى قبل الأخيرة فى مخططهم الحقير هو إفتتاح ووضع حجر الأساس لكنيسة الخراب إلي بتعتبر الخطوة إلى قبل الأخيره فى تنفيذ مخططهم وهدم الأقصى وبناء هيكلهم المزعوم مكان

وعلى فكرة هما عارفين أن الخطوة دى سهله عارفين ليه؟؟؟؟؟

لأنهم لما إغتصبوا فلسطين فى الأول وبعدها مسجد بلال وبعدها الحرم الإبراهمى محدش نطق ولاحدش ثار ولا غضب أن جزء من أرضة بيسرق علشان كدة هما عارفين ان الموضوع سهل لانهم عارفين أن مفيش حد بيخاف على الأقصى

لكن إن شاء الله.....هناك فى القدس مقاومين وأبطال ستات ورجالة وأطفال هيدفعوا عن القدس بالغالى والرخيص مربطين هناك مستعدين للشهادة من أجل الأقصى.....

( أما أحنا خالينا نايمن..... أوعاملين مش سمعين.....بس ياريت نفوق بسرعة قبل لما نصحى نلاقى الأقصى أتهد وقتها مش هينفع لا بكى ولا عويل)

ممكن متكنش المثالية......

كل الناس يوم 21-3 بيحتفلوا بعيد الام وتلاقى كل البرامج بتكلم عن الموضوع ده وتلاقى المسابقات( شارك معنا ورشح مامتك للأم المثالية) أما بقى الفقرات الإعلانية ....يلا بسرعــــــــــــــــــــــــــــــــــــــــــة أشترى أحسن هدية لست الحبايب... وكأن أحنا مفروض نحب أمنا ونحترمها وكمان نجبلها هدية فى يوم واحد بس فى السنة طيب والأيام التانية نغلبها ونطلع عنها





طبعا لا العيد الحقيقى والهدية الحقيقية للأم لما تلاقى أولدها بيبروها وبيزروها ويسألوا عليها كل يوم مش يوم واحد فى السنة



بعيدا بقى عن التلفزيونات والبرامج والإعلانات الى صدعت دمغنا بقول ان أمى ممكن متكنش لأم المثالية وممكن يكون فية أمهات كتير تعبوا أكتر وبذلوا مجهود أكبر علشان يوصلوا أولادهم لبر الأمان لكن أنا كفاية عليا أوى أن ماما دى هيا مامتى مش أم حد تانى



ومش هعقد أقول أمى عملت وعملت كفاية أقول الموقف دى وهوا هيلخص كل الكلام مرة بسألها وبقولها (لو طلبوا منك تعطى حد من أولادك جزء مهم من جسمك وأنتى عارفة أنك من غيرة هتموتى ترضى) وكانت الإجابة...........(طبعاأه)



هى دى بقى أمى حب وعطاء وتضحية لأخر يوم فى عمرها(بحبك أوى ياماما)





أنا ممكن أقترح حاجة......لية؟؟؟؟؟ كل واحد مخاصم مامتة أو هيا زعلانة منة أو مسألش عليها من زمان لما أخدتة دوامة الحياة أو حتى علافتة زى الفل مى مامتة لية؟؟؟؟؟؟ منرحش الوقت ونقلها (شكرا على كل حاجة عملتها علشانا)



ملحوظة :مع مراعاة بوسة رقيقة على خدها بجد متعرفوش أد أية السعادة الى هتحس بيها بس هتعرفوا لما تشوفوا الفرحة فى عنيها



مع وافر تحياتى
فاطمة

لا لتهويد القدس (مكان تحت الشمس)

الســــــــــــــــــــــــــــــــــــــلام عليكم

أحنا كدة العرب بنتعامل مع كل حاجة بعواطفنا وحماسنا وبعد مرور الوقت بتموت القضية الى أحنا أتحمسنا ليها طبعا القضية مش هيا الى بتموت أحنا الى بتنتابنا حالة خمول إن مسمنهاش (حالة موت للضمير)و ترجع كل حاجة لأصل

طيب هتقولوا أنتى بتقولى كدة بناء على أية........................أقولكم

النهاردة معظم العرب مشاعرهم ثايرة ومش ردية تهدا بسبب موضوع (تهويد القدس)لكن شوفوا بعد شوية كدة مع مرور الوقت كل حاجة بتتنسا وترجع لأصلها وننسى فلسطين والمسجد الأقصى وكل حاجة ونرجع تانى للحياة وقرفها وندورفى ساقية الحياة

على عكسنا تماما..........أولاد الاية(الصهاينة) كل أفعالهم مدبرة ومخططة كويس أوى مش نابعة من العاطفة أو التعصب والهمجية المعروفين بيها

هتقولوا جبتى الكلام دة منين................... الكلام دة أنا جبتة من كتاب( مكان تحت الشمس) لنتنياهو رئيس وزراء إسرائيل

تعالوا شوفوا كدة فى الفصل الرابع من كتابة بيقول(أن معظم سكان الأردن من الفلسطنين ويجدر بهم الذهاب لإقامة وطن لهم هناك بدلا من فلسطين)

وشوفوا كمان(لكى تحافظ إسرائيل على مصالحها هذة يجب أن توضح أن الحكم الذاتى للضفة الغربية يجب أن يكون حكما ذاتيا فقط وليس دولة عربية جديدة)

عرفتو أن الى بيحصل من إعتصاب لمساجد زى الحرم الأبراهيمى ومسجد بلال ومنع بناء وحدات سكن فلسطنية جديدة وهدم البيوت وغيرها كتير من الافعال الوقحة دى مش من منطلق التطرف والهمجية بس لا دا تخطيط واضح علشان يغتصبوا فلسطين كلها وميبئلناش حاجة فيها ,وان الكلام الى بيضحكوا علينا بية من قيام دولة فلسطنية مستقلة ودولة إسرائلية كلة كلام فارغ وضحك على الدقون واحنا العرب قعدين نتفرج عليهم..............وكأننا فرحنين من الى بيحصل



**وعلشان أحنا منبقاش زى الناس دول ويبقالنا دور إيجابى ويوم القيامة لما ربنا يسألنا نبقى عملنا حاجة ولو قليلة



1-ننشر موضوع فى مدونتنا عن التهويد ومنقولش البوست بتعنا هيعمل أية صدقونى هيعمل كتير



نتابع أخبار فلسطين بشكل يومى حتى لو بس نسمع عناوين -2



نحاول نعرف أصحبنا معلومات كافية عن موضوع التهويد-3



عمل جوربات على الفيس بوك علشان نعرف أكبر قدر من الناس-4







وفى النهاية أود أن أشكر أخى طهر فؤادك على دعوته للمشاركة فى الحملة المتميزة دى

حا لــــــــــــــــــــــــــــــة فوضـــــــــــــــــــــــــــى

حالة فوضى.....
حالة جنون......
حلت بعد استقرار وسكون
عدت لتعبث مع ذاك القلب الحنون
عدت لتلعب لعبة القط مع الفأر المسجون
عدت لتقتل ذاك العصفور
....لكنــــــــــــــــ احذر...
فقلبى الأخضر لم يعد مفتون
بذاك الرجل أو تلك العيون
...إن عدت سأقبل....
...لكنــــــــــ بشروط....
ان تأخذنى لى جزيرة تسمى النسيان
ان تخطفنى من مدينة الأحزان
ان ترجع لى كطفل تائة رجع إلى أهلة بعد الحرمان
ان تعبر بى بحر الحب بسفينتك بكل أمان
ان تجعلنى أميرة قصرك مدى الأزمان
......وإن لم تفعل.....
....فارحل أفضل...
واترك قلبى كما كان
فى مدينة الحزن مع الأحزان

إمرأة قهرت ملك الغابة

كانت هناك إمرأة تعاني الكثير من المشاكل مع زوجها وبذلت الكثير من الجهد في محاولة منها لترويضه لكنها فشلت

إلي أن نصحتها إحدي صديقاتها أن تذهب إلي شيخ إشتهر بقدرته علي حل مشاكل الناس فذهبت إليه و أخبرته عن مشاكلها

التي تعانيها مع زوجها وبعد سماع الشيخ شكوي تلك المرإة طلب منها أن تذهب إلي الغابة البعيدة كثيرا عن مكان سكنها و تحضر له

شعرة من الأسد وكان ذلك شرط الشيخ الوحيد لكي يقدم لها المساعدة في البداية إحبطت المرأة و رأت أنه شرط صعب التحقيق و لكنها في

النهاية قررت أن تغامر و تذهب الي الغابة بعد إعدادها خطة في قمة الذكاء تساعدها علي ترويض الأسد وتجعله يقترب منها فكانت كل يوم

ليه وتقدم له خروف من خرفانها و إستمرت المرأه علي ذاك الحال لعدة أيام إلي أن اعتاد عليها الأسد واستطاعت بعد ذلك ان

علي تلك الشعرة ورجعت الي الشيخ في نفس اليوم و أعطته الشـــــــــــــــــــعرة.

وهناك سألها الشيخ : كيف حصلت علي الشعرة ؟

وبعد أن أخبرته ......

قال لها الشيخ : " المرأة التي استطاعت أن تروض مــــــــلك الغابـــــــة و تقهره لا تستطيع أن تـــــــروض رجــــــل "

" للمرأة قوة خفية لا يدرك قيمتها الرجل "

فى حضن الشمس

حبيبى..

بأناملك الذهبيه وعيونك السحريه

أخذتنى إلى عالم بلا نهايه أبديه

وهناك رأيت السحب مع النجوم الفضيه

ترقص أروع رقصه رومانسيه

سمعت العصافير تعزف أجمل سيمفونيه

سيمفونيه عشق لك حبيبى... بكل الحروف الأبجديه

وهناك بين الغيوم وقطرات الندى اللؤلؤيه

علمتنى حبيبى... أن الحب بلا هويه أسمى معانى الحريه

غفوت قليلا بين أحضانك وخيوط الشمس الذهبيه

تداعب أحلامنا الورديه

أخبرتنى أنك تحبنى بكل المعانى الخيالية

وحبك لى يتجاوزكل حدود قلبى الجغرافية

وفجأة....أفقت من عالم أحلامى لدنياى الواقعية

وأدركت أنه حلم لفتاة عاطفية

أرادت أن تحيا كما الغيوم فى حضن الشمس الذهبية

أشكر كل من خطت أناملة فى مدونتى شكراااااااااااااااااأوى