BLOGGER TEMPLATES AND TWITTER BACKGROUNDS »

الثلاثاء، 6 أبريل، 2010

أسهل الطرق الفاطمية....للموت بفاعلية






عزيزى المشترى......عزيزتى المشترية الى قاعدين قدام المدونة ليل ونهار النهاردة جيبلكم منتج رائع قمة الجودة والفاعلية ماركة عالمية مسجلة(ماركةعزرائيل)ومنتجنا أسمة (أسهل الطرق الفاطمية .... للموت بفاعلية)



بس منتجنا للأمانة التجارية فية عيب صغير أوى؟؟؟؟؟ أن أثرة بطىء ومدى فاعلية متوقفة على شطارتك عزيزى المشترى.... وعلشان انا بحب أعمل من الفسيخ شرباط زى باقى القنوات الأعلانية المنافسة تعالوا شوفوا تجربت صحبنا دة الى المنتج أشتغل بسرعة معاه بس للأسف مش هتقدرو تشفوة بشكل مباشر لأنة الوقت عند الرفيق الأعلى..... بس لو حبين برحتكم.... صلو على النبى.......



صحبنا دة كان بيشتغل فى شركة كبيرة تملك تلاجات كبيرة لحفظ المواد الغذائية... وفى يوم كان لازم يدخل فى واحدة من التلاجات دى علشان يعمل جرد للصناديق الغذائية وفجأة.... أتقفل علية باب التلاجة عن طريق الخطأ وفضل يخبط على الباب كتير بس مفيش حد سمعة.. والمصيبة ..ان تانى يوم كان الجمعة وأجازة سعتها فقد صحبنا دة الأمل وعرف أنه خلاص ميت ميت.... وفضل قاعد مستنى مصيرة المحتوم وفى اليوم التانى جه أصحابة للشركة فى يوم دوام عادى ولما فتحوا باب التلاجة علشان يكملوا شغلهم لقوا صحبنا دة ميت(ودة طبعا بفضل منتجنا) ولقوا كاتب ورقة جنبة وقال فيها(أنا الأن محبوس فى التلاجة أحس ان أطرافى تتجمد وأشعر انى مش قادر أتحرك وانى هموت من البرد)

العجيب ان التلاجة كانت مطفية ومش متوصلة بالكهربا*****



الوقت بقي أقولكم مكونات منتجنا المذهل الى طبعا حبتوه وهتشتروه...

  1. شويه وهم انى مش قادر أعمل حاجة وأنى فاشل وأن الظروف وحشية وان حظى وحش
  2. مقداركبير من الرسائل السلبية الى بنرسلها للمخ الى أثبت الدراسات مدى فاعليتها( أقصدى خطورتها)على التأثير على سلوك الإنسان وسلوكة ومعتقداته وتصرفاتة
  3. ومقداريمثل45% من الأحباط الى بيأكد للواحد انة فاشل وغير قادر علىتحقيق أحلامة وأنها مستحيلة وصعبة التحقيق وبتعيق الفرد على مواصله العمل والأنجاز
  4. فقدان الثقة بالله ودى بتمثل65% من مكونات منتجناودى بتأدى ان ميكنش ليك هدف فى الحياة وتعيش وخلاص ولو انتا مش واثق فى ربنا يبقى بشكل طبيعى مش واثق فى نفسك ولا فى قدراته
وفى النهايه بنصح كل متابعين شركتنا الأعزاء انهم مايشتروش المنتج دة لانة ضار بالصحه زى مقالت وزارة الصحة .

خلى ثقتكم فى الله كبيرة ..وكمان ثقتكم فى نفسكم وقدراتكم... أمسحو كل الرسائل السلبية وحطوا مكانها رسائل إيجابية ..وأفتكر أنكوا قبل كدة واجهتوا مصاعب وقدرتوا تتخاطوها ...أفتكروا نجاحاتكوا السابقة....والدعاء صدقونى مهم جدا



****فكرة القصة مستوحاة من قصة قرأتها فى مجلة كلمات
مع خالص إحترامى....



الشركة الفاطمية لبيع المواد المؤذية

58 الناس الى سقعوا من الثلج:

Tamer Nabil يقول...

فعلاا الانسان لو سلم لاامر الواقع ومش حاول يغير فية بالعمل والمجهود الدائم

فسيظل واقف مكانة ولن يتحرك الى الامام طوال حياتة

ربنا يوفقك يكرمك

مع خالص تحياتى

إمرأه من ثلج يقول...

تامر نبيل

تحياتى لك
وفعلا فقدان الامل والاحباط وسيلة سهلة علشان نموت

بس انا مش عايزة اموت

الشموع السوداء يقول...

فعلا الواحد سقع بس ادفا بالفكرة الحلوة للموضوع
تحياتي

صمت المشاعر يقول...

جميله اووووووي فكره الموضوع

فعلا الانسان هو بيقود نفسه للفشل والياس لانه بيفقد الثقه في ربنا وفي نفسه

ميرسي جدا علي البوست

دمتي بالف خير

Ms Venus يقول...

معاكى حق يا فاطمة

والقصة ليها معنى جميل اوى بس ياريت نفهمه ونعمل بيه


تحياتى ليكى

romansy يقول...

يا سلام على المنتجات اللى تودى فى دهيه بس تصدقى ان عندك حق فى كل اللى قولتيه اوقات الوهم بيخلى الانسان فينا ضعيف وحاسس انه لا بايده ولا برجله بس دا ناتج لاننا لاسف مش عندنا ثقه فى نفسنا ولا ثقه فى الله
بس اقولك كلام جميل
وربنا يوفقنا

مجرد فتاة يقول...

عندك حق المنتج دة فعال وناس كتير بتستعمله :)
فعلا في ناس كتير معندهاش ثقة في نفسها ودايما شايفة ان ملهاش لازمة في الوجود
والاحساس دة فلا يدفع للانتحار
عندك حق
وموضوع بسيط ولذيذ
تسلم ايدك

ريمان يقول...

يا مجنوووووووووووونه

ههههههههههههههههههههههههههه


انتى خلاص سميتيها الطرق الفاطميه للموت بفاعليه


يالهوى عليكى


ده ايه الابداعات دى يا ولاد


والله عسل

المهم قنول الكلام ده لنفسنا


هااااااااااا

فاهمانى ولا لاء؟

يعنى لازم نثق فى الله اكتر شويه من كده ونتوكل عليه


ونبطل نفكير


بت انتى ماتصلتيش بيا ليه عشان تجيلى؟

على العموم انتى فاتك الجلاش اللى بالكبد والقوانص بتاعى

انتى الخسرانه
هسنتناكى بكره فى المدرسه الساعه عشره


يلا سلام

أحمد الصعيدي يقول...

او أن الكل اعتقد في

قل لن يصيبنا

ولو أن الكل علم أنه لاحيلة في الرزق ولا شفاعة في الموت

ولو أن الكل علم أن التوسل الي الله بالعمل الصالح ينجي

ولو أن المسلمين عادوا الي سابق عهدهم ما مامات صاحبنا

وما ضاعت القدس

يا سيدتي

احنا في التلاجة

وصاحبنا ده ربنا كرمه أما أحنا ميتين بالحيا

شكرا لموضوعك الجميل
السلام عليكم

اقدم عاصمه فى الحب يقول...

السلام عليكم

قصه جميله
وانا استفدت منها كتير
.
رائع البوست ده ويا رب دايما فى تقدم وتقديمى لينا الاحسن والاحسن انشاء الله

سعيد بالتواصل :)

عبير بقلمي الصادق يقول...

صدقتِ فيما قلتِ هنا فالوهم أخطر بكثير من المشاكل دائماً نتوهم افكار غريبة لا أساس لها من الصحة لكن الطبع غلب التطبع ..

القصة رائعة وممتعة

تحياتي

طالبة مقهورة ..درجة أولى يقول...

سلام عليكم

تعرفي القصة ديه لما قريتها من فترة ع النت شغلتني جدا..وقعدت افكر هل ممك الوهم يموت ؟؟ للدرجادي الانسان ده سهل كده

بس الفكرة كلها ان مفيش حاجة اسمها ظروف..احنا اللي بنخلي الظروف ع مزاجنا ..وهيا اللي بتسمع كلامنا..

والله بجد كل حاجة بتيجي بالتقة في ربنا ومعاه الرضا ..:)

الحمد لله رب العالمين على كل شيء

ليله شتاء يقول...

السلام عليكم
ازيك ياقمر طبعا جايه متأخره كالعاده*******
ربنا يجعلك دائما سبب فى الرجوع الى الثقه بالله والثقه فى النفس وتنتجى منتج جديد وتسميه (( أسهل الطرق الفاطميه..... للحياه الورديه)))
ه عجبانى فكره القصه أوى أوى بس فى المنتج الجديد طبعا مش هتنسى كهرباء الثلاجه مطفيه هههههههههه


دمتى بخير وود وحب وسعاده

***أحبك فى الله****

:) QŁp 7āZēŋ يقول...

اوبسسسسسسسسسس
مات من الوهم واستسلم بسرعه
ربنا يخليكى ديما وحلا وطريق نجاح للناس

محمد التركى يقول...

الجميله دائمآ/ فاطمه

فكره جميله نابعه من أنسانه أجمل
فعلا الأحباط سم بيموت جوانا كل حاجه حلوة
وبعدين يموتنا أحنا
صح موت بالبطيئ
بس الأحباط ليه أسبابه الغير ظاهره
والله بيكون فيه ثقه فى الله عز وجل
وثقه فى النفس
بس لما تكونى مثلا بتشتغلى بكل ضمير أحسن من زمايلك وبتتقنى عملك وبتنفزيه على أحسن وجه
وتكونى خلاص عارفه أن لازم وحتمآ هتنولى مكافأتك على الاداء الطيب ده
مش مكافأه ماديه لالالالا
المهم المكافأه المعنويه ترقيه كلمه طيبه من رؤسائك
وفجأه تأتى اللطمه الكبره
ترقيه منتظره ليكى ومحدش يستحقها افضل منك
ككفاءه فى العمل وأتقان وكمان أقدميه
وبعدين تروح لغيرك علشان الكوسه أشتغلت
تعملى ايه أكيد يأس وأحباط وعدم ثقه فى أى حد ماعد الله عز وجل وده كفايه
بس أحنا بشر الدنيا شغلانه
وكمان لما تكونى بتحبى حد وبتثقى فيه أكتر من نفسك
ومستعديه تهديله عمرك وروحك وحياتك
تضحى علشان عنيه
ورسمتى حياتك معاه لسنين وسنين جايه
وفجأه الحلم يتهد مع أول خلاف
مادى كان أول تحكمات فى الرأى أو أى شئ
ويتخلى عنك ويبيع وكمان يجرح فيكى يعنى ميسبش كمان ذكره حلو ليه
وميستهلش الواحد يضيع وقت يندم على معرفته حتى
أيه بعد كل ده الواحد ميجلهوش أحباط
ميدمرش نفسه بايده
بس أرجع وأقول عندك حق لسه فيه أمل ولو واحد فى المليون
أكيد كان ليا أنجازات مع شخصيتى
حاجات كنت بحلم أحققها وحققتها
أكيد هتمسك بالفكره ديه
والله عندك حق
ربنا يكرمك يافاطمه وتسلم ايديك وأفكارك

تقبلى مرورى وسامحينى على الاطاله
وكمان سمحينى أنى بقالى مده مش متابع أخبار مدونتك الجميله اللى بحبها بس غصب عنى الشغل والله

مستنى رأيك فى بوستى الأخير لأن رأيك يهمنى جدا

ودى وحبى وتقديرى لرافعه المعنويات

إمرأه من ثلج يقول...

صمت المشاعر


مرسى لكى انتى ياجميل انك نورتى المدونة

ادعيلى بس
تحياتى

إمرأه من ثلج يقول...

الشموع السوداء

وانا مدونتى بتدفى بزيارتكم

سعيدة حبيبتى بزيارتك ويدوم التواصل

تحياتى

إمرأه من ثلج يقول...

مس فينس الجميلة

ازيك يا قمراية

قول مين يسمع ومين يعمل بية وانا اولكم

تحياتى

إمرأه من ثلج يقول...

اية رايك حابب تشترى برحتك؟؟؟؟؟

اهلا بيك فى مدونتى ويدوم التواصل
تحياتى

إمرأه من ثلج يقول...

اية رايك حابب تشترى برحتك؟؟؟؟؟

اهلا بيك فى مدونتى ويدوم التواصل
تحياتى

إمرأه من ثلج يقول...

مجرد فتاة

فينك من زمان ياجميل

تسلمى انتى فعلا البعد عن الله وعدم الثقة بة بيؤدى لطريق مسدود

تحياتى

إمرأه من ثلج يقول...

ريمى

داوها بالتى كانت هى الداء

يالهوى.....جلاش............. انا بعيط

دومتى بود حبيبتى

إمرأه من ثلج يقول...

احمد الصعيدى

مات طبعا بفعل منتجى الجبار

اما احنا اموات احياء

تحياتى

إمرأه من ثلج يقول...

اقدم عاصمة للحب

الحمد لله انك استفدت

الله يكرمك انا الاسعد بتواصلك

تحياتى

إمرأه من ثلج يقول...

عبير

منورة ياقمر

بس نحاول نغير من الطبع دة وانا قبلك

مع حبى وودى

إمرأه من ثلج يقول...

طالبة مقهورة

فعلا الوهم وعدم الثقة بالله دول بيودى فى داهية

بعيد عننا ان شاء الله

تحياتى وحبى

إمرأه من ثلج يقول...

ليلة شتاء

حبيبتى
المهم انك تبقى موجودة وجودك بيفرحنى اوى
احبك الله الذى احببتنى من اجلة

إمرأه من ثلج يقول...

قلب حزين

اهلا بيك نورت المدونة

تحياتى

إمرأه من ثلج يقول...

محمد التركى

فعلا احنا بشر عندنا لحظات ضعف كتير احيانا نتعب ومنلاقيش المقابل
احيانا نحب بكل كيانا ونلاقى انكار للكيان دة

بس اكيد ربنا عين لينا الاحسن وانا منتظرة الاحسن دة

تحياتى وبكون سعيدة بتعليقاتك جدا

إبتسامة ملاك يقول...

هههههههههههههههه

وحشتينى يا بطوطه اوووى

ايه دا

جامده اوووى
اسلوبك رائع

ربنا يهدينا للطريق السليم يارب

لولا وزهراء يقول...

فطووووووووووم

ربنا يكفنيا شر الوهم
انتى عارفه ان الانسان الموهوم ده بيكون انسان مريض يعنى لازم يتعالج بس للاسف ماحدش من المصابين بالوهم بيعترق بذلك ...
الناس اللى زى دى بتكون واقفه محلك سر يعنى لاخطوه امام ولا خطوه ورا
طيب يا جماعه وسعوا كده على جنب شويه علشان بس فى ناس غيركم عاوز تيجى ....

القصه قراتها منذ فتره وتركت بداخلى اثر كبير ....

دمتى متألقه

رشا يقول...

بوست رائع

فاليأس يولد اللامبالاة

التى تؤدى بدورها الى الموت ببطء

miroooo يقول...

الصراحه المنتج فعلا مؤذى للغايه ولكن للاسف كلنا بنشتريه او اغلبنا بمعنى اصح فقدنا الثقه بالله والقرب منه ربنا يرحمنا
بس بجد كلماتك جميله والقصه هادفه
تحياتى لك ولقلمك

القمرالباكي يقول...

السلام عليكم

كلنا محتاجين نزود ثقتنا في نفسنا ونسيبنا من الاحباط الي بيجي لينا احيانا وبيتملك منا
لان لو خدت فكره ان فاشل مهما كانت عندي من قدرات مش هعل حاجه وهبقي فاشل بجد

الثقه بالله وبرحمته دي اكتر حاجه تريح الانسان وتمده بالثقه فنفسه

حلو الموضوع ياجميل

باحث عن حب يقول...

كلماتك حلووة وجميله
تحس الى الاجابيه
وعدم السلبيه
والى التغير
انا اغير اذن انا موجود
وزى ما فى مدونه عنوانها حلو خالص بيحمل رساله
التحدى ما هو ا لا اثبات لذاتنا
يعنى
لازم
نغير
ونتغير الى الافضل
والا
الاستسلام هو الحل
شكرا لكلماتك
الجميله

إمرأه من ثلج يقول...

ابتسامة ملاك

احلى ملاك اخبارك اقمر

الله يكرمك

تحياتى

موناليزا يقول...

متفقة معاكِ
فما اكثر الوهم الذى يعيش فيه الغالبية ويصدقوه

إمرأه من ثلج يقول...

لولا وزهراء

عندكم حق والوهم مع الياس وشوية احباط بيودو فى دهية

مدونتى بتنور بوجودكم

إمرأه من ثلج يقول...

رشا

المت ببطىء هو دا العيب الوحيد للمنتج

تحياتى منورة

NaiRa يقول...

اولا طبعا سلامو عليكو
ثانيا بجد نورتينى وشرفتينى واول مره ازور مدونتك بس مش هتبقى الاخيره
اما فكره البوست فا هى عجبانى اوى
عن المنتج الرخيص اللى بقى اقريبا زى اللبان مع كل انسان
لازم كلنا نتخطى فقدان الامل فى انفسنا ده وفقدان الامل فى ربنا
لازم يكون عندنا امل ووايمان بأننا جوه كل واحد فينا كنز لازم يدور على حاجه يلاقى فيها نفسه ميحاولش يستسلم للفشل
وعلى رأى الشاعره الكبيره دنيا سمير غانم
(متحاولش تبقى حد تانى غير نفسك خليك واثق فى نفسك قوم دور بنفسك جوه نفسك هتلاقى حاجه محدش فيها هينافسك)

إمرأه من ثلج يقول...

ميرووووووو

ازيك ياقمر منورة

انتى عايزة تقفلى الشركة مش كفاية وزارة الصحة

تحياتى

إمرأه من ثلج يقول...

القمر الباكى

انتى الاحلى

فعلا اهم حاجة الثقة فى الله وفى نفسنا
تحياتى

إمرأه من ثلج يقول...

باحث عن الحب

فعلا انا عارفة المدونة دى

تحياتى وسعيدة بمرورك

إمرأه من ثلج يقول...

موناليزا

منورة

ادعيلى وفعلا الوهمناس كتير بتعانى منة

تحياتى

إمرأه من ثلج يقول...

نيرة

سعيدة حبيبتى بزيارتك ليا انى الى منورة

ويارب يديم التواصل

تحياتى وودى

من كل بستان زهرة يقول...

فاطومه الجميله
معلش تعليق متأخر بس والله ظروف مرضيه

الموضوع رائع فعلا ده الي كل واحد فينا محتاجه
ثقه بالله ...ثقة في أنفسنا
ايمان بقدراتنا.. ايمان بأننا لازم نكون افضل من الي أحنا فيه لأننا نستحق الأفضل

نتفاءل وننظر للحياه بعيون الأمل

إذا كان الأمس ضاع...فبين يديك اليوم و إذا كان اليوم سوف يجمع أوراقه ويرحل...فلديك الغد...لا تحزن على الأمس فهو لن يعود ولاتأسف على اليوم فهو راحل و احلم بشمس مضيئة في غد جميل...

لازم كل واحد فينا يكسر اليأس والأحباط الي بداخلة
انه يقنع نفسه انه أسعد الناس

ولازم نخرج بقى من الثلاجه

تحياتي ليك
ويارب دائما متفائلة وسعيده طول العمر

حصان المرجيحة يقول...

انا قعدت كتير اوي في التلاجة
و مش هاقدر اعلق
ههههههههههه

amr elsharqawy يقول...

هههههههههه

تسمحيلى انى اضيف للمنتج قصدى للموضوع

كلمه

قالها واحد من الناس
دع اليأس يركع ذليلا ياسا ان تيأس

تقبلى تحياتى

إمرأه من ثلج يقول...

من كل بستان زهرة

حبيتى يارب تكونى بخير
طمنينى عليكى
حبى وودى

إمرأه من ثلج يقول...

حصان المرجيحة

حاول تخرج منها بسرعة

لانتى عارف الى هيحصل

تحياتى

إمرأه من ثلج يقول...

طبعا سعيدة باضافتك

وسعيدة بمرورك
تحياتى

ذو الوجه المبتسم يقول...

السلام عليكم
جميل جدا اسلوبك
ومثير للاهتمام
دمتى بارعة

إنـســـانـة يقول...

متشكرة أوي على النصايح الغالية دي .. يارب أقدر انفذها يااااارب

البوست تحفة وفكرة جميلة .. تسلم إيدك

ليله شتاء يقول...

السلام عليكم
فينك ياجميل وفين كلامك الجميل وعايزين نكمل الاسئله!!!
لو في مشكله أن برن عليكى الفجر قوليلى ياقمر
أنى أحبك فى الله

إمرأه من ثلج يقول...

ذو الوجة المبتسم

سعيدة بمرورك
ويدوم التواصل

إمرأه من ثلج يقول...

انسانة

منورة منورة

بجد
سعيدة بمرورك

إمرأه من ثلج يقول...

ليلة شتاء

حبيبتى

انا فرحانة انى على بالك

رنى وطولى علشان اصحى

بحبك فى الله

ليله شتاء يقول...

السلام عليكم
ازيك ياقمر
عايزه منك أستشاره مهمه جداا وسريعه جدااااااااااا
أه رايك فى الشكل الجديد للمدونه ولا التصميم التقليدى أحسن