BLOGGER TEMPLATES AND TWITTER BACKGROUNDS »

السبت، 1 مايو، 2010

حلمى البعيـــــــد




فى زمن غير الزمن
ومكان غير المكان
مكان فية الحب عنوان وزمان فية الرجولة كاملة الأوصاف والأنوثة مش بس جمال ورقة ودلالل لادى كمان أدب وأخلاق قمة الإلتزام يعنى من الأخر بنت حلال




وفى الزمن ده عاشت على جزيرة بعيدة ست الحسن والجمال....... جزيرة بعيدة حدودها القمر سكانها مش من البشر سكانها حبة حمام وعصافير وكمان شوية يمام... عاشت ست الحسن والجمال فى بيت كبير حيطانة ورق من ورق الشجر وبيبانة من عضون الورد وحبة ندى مطر




عاشت ست الحسن والجمال حزينة وحيدة بس فى نفس الوقت سعيدة بمناجتها وسهرها مع القمر.... بس رب البشر علام الغيوب أستجاب الدعاء وسخر القدر .... وهبط على جزيرتها أمير... اة أمير... أمير مملكة السحاب هبط ببساط ولا فى الخيال على جزيرتها جزيرة الأحلام ..... وطلب الود وكمان القرب من ست الحسن ..... فى الأول أتمردت وكمان أتأمرت لكن بعد كدة وفقت وأتشرطت.... طلبت دبلة واحدة مغزولة بخيوط المطر وكمان نجمة وحتة من القمر.




وأستجاب امير مملكة السحاب من غير عناد.... وطلبت بكل الود منة انة يتقى فيها رب العباد ولا يكذب ولا يخون ويقدم كل الوفا ...وقتها هسلم لسلطان الهوى وعشق الغرام وأقدم كل الهنا والحب وكمان الأمان




فرحت عصافير الجزيرو وكمان اليمام بزفاف ست الحسن وكمان فرح القمروكل نجوم السما وقدمت التهانى ... يسلام.... يسلام....
ودا كان حلمى البعيــــــــــــــــــــد..... وقريب ان شاء الله يبقى فى متناول الإيــــــــــــــــــــــــــــــــــد

67 الناس الى سقعوا من الثلج:

إمرأه من ثلج يقول...

أسفة جدا على تأخرى فى متابعة أحلى المدونات بس النت الزفت دة كان فاصل

اسفة جدا

أحمد الصعيدي يقول...

أحلام علي أنغام زمن جميل

أتمني من الله عز وجل أن يهبك ما يتمناه فؤادك في حدود طاعة الله عز وجل

بوست يأخذك إلي خيال قديم

ولكن لدقائق معدودات

أسعدك الله

إمرأه من ثلج يقول...

أهلا أهلا أستاذ أحمد

أمين اللة يكرمك

يعنى لا يبقى الواقع ولا الخيال

تحياتى

romansy يقول...

جاللك الشاطر حسن اهو بين ايديكى
جاللك وكله حنان بيقدمه ليكى
جواه حنين يروى قلوب العطشانين
اتغرب كتير وعدى الجبال ودا كلو علشان عينكى
بس اؤمرى ودنيته بتحلو بس بيكى

***************

الله يا ست الحسن على الاحلام
انا بحب قصص الف ليله وليله جدا واضح انك متاثره بيها البساط السحرى والبلوره السحريه

ربنا يحققك احلامك

Ms Venus يقول...

فاطمة يا جميلة

الله عليكى وعلى حلمك الرقيق زيك


جميل اوى

ربنا يسععدك ويحقق احلامك يا قمراية


وردة لعيونك

Just waiting يقول...

ممكن الامير بتاعك يوصي اي واحد صاحبه ينزل في الجزيرة بتاعتي

لا بس القصة حلوة قوي انا كمان بحب القصص الرومانسية ذات النهايات السعيدة

لولا وزهراء يقول...

فطووووومه

اخيرا ظهرتى
معلش النت ده حاجه رخمه اوى
يااااااااارب يحقق لكى كل احلامك وامنياتك
انتى عارفه ان كل واحد نفسها ان الامير او الفارس اللى يجى لها يتقى فيها رب العباد

ربنا يحقق لكى كل احلامك ويفرح قلبك ويسعد اياااامك يارب

أبو حسام الدين يقول...

السلام عليكم.

ذكرني هذا الحكي الجميل بطريقة المصريين القديمة في سرد الحكايات التقليدية طريقة جميلة تجذب الإنتباه ويعير لها السامع والقارئ كل التركيز..
حقيقة وفقت في نسج الحكاية ووفقت في صياغتها.
لك الشكر


رشيد/مدونة همسات الروح والخاطر

ليله شتاء يقول...

أزيك ياقمر
حمدلله على سلامة النت ههههههه
لو أعرف أنك موجودة كنت فتحته بس أخويا كان أجازة وكنت معاه علشان بيوحشنى أووووووووى
يارب تكونى موجوده مرة تانيه

ليله شتاء يقول...

نسيت أقولك ويذوب الثلج في أمرأه الثلج

ليله شتاء يقول...

أنا كده عرفت أه الموضوع تقريبا يعنى من البوست الجمييييييييل ده يارب تخميني يبقى صح

طالبة مقهورة ..درجة أولى يقول...

,وتوتة توتة فرغت الحدوتة :)

بجد جميلة اوي..بس ديه تعتبر البداية مش نهاية الحدوتة :)

ربنا يسعدك يارب ويوفقك ويديلك امير على قد نيتك يا مقطقطة قصدي يا متلجة :)

سلامااااتوز

شذا الروح يقول...

وحشتينى حبيبتى

حمدالله على سلامتك
نورتى مدونتك من تانى


اسلوبك حلو كتير يا فاطمة ماشاء الله عليكى

والقصه تحفة كلنا بنحلم بكده

ومافيش حاجه بعيد على ربنا سبحانه وتعالى
ربنا يحقق ليكى امنيتك يارب

تحياتى ليكى
شذا

من كل بستان زهرة يقول...

فاطوووووووووووووومه
وحشتيني يا قمر والله وحشتيني أوي

النت ده رخم جدا خضني عليكي

بس بجد راجعه بحدوته جميله
عارفة انا تخيلت زوزو نبيل وهي بتقول
بلغني أيه الملك السعيد ذو الرأي الرشيد
وصوتها الرائع
مع الحدوته بتعتك الجميله

رجعتيني لأحلى أيام في حياتي أيام ألف ليله وليله

يارب الأمير يظهر قريب ويحققلك كل أمانيكي
وأفرح بيكي يا جميله

متغبيش تاني

إمرأه من ثلج يقول...

رومنسى

يعنىالواحد بيهرب شوية من قرف الواقع لجمال دنيا الخيال

تحياتى

إمرأه من ثلج يقول...

مس فينوس

20وردة لعيونك

ربنا يكرمك ويسعدك

إمرأه من ثلج يقول...

just weeitthng

انتى بس تامرى ابعتى كل شروطك
واميرى عندة كدة امير لجزيرو تانية بيدور على عروسة

إمرأه من ثلج يقول...

زهراء

سعيدة جدا بمررور



شوية ورد ليكى من جزيرتى

إمرأه من ثلج يقول...

رشيد

سعيدة بمرورك جدا

واهلا وسهلا باهل المغرب

إمرأه من ثلج يقول...

طالبة مقهورة

ازيك ياقمر

امين ويسعدك ويحقق كل الى تتمنية

إمرأه من ثلج يقول...

شدا الروح

بجد سعيدة بوجودك واهتمتمك تحياتى

إمرأه من ثلج يقول...

حبيبتى

من كل بستان

انتى كلك ذوق وبجد زحشتنى لاقصى درجة

إمرأه من ثلج يقول...

ليلة شتاء

اكتفى وقول بحبك فى اللة

secret-love يقول...

السلام عليكم
اولا الكلام جميل والله بدون مجامله دخل قلبى على طول
ثانيا ربنا يونلك كل اللى فى بالك
ثالثا
هو لسا فى الزمن ده موجود ست الحسن والجمال او حتى الامير
يارب كلنا نكون كده
تحياتى ليكى وتقبلى مرورى

عبير بقلمي الصادق يقول...

حلم رائع

وشعوور جميل

حين نقرأ هذا الحلم


دمتِ دوماً ودامت أحلامكِ

أعتذر على تأخري ولكن جميعنا نعاني من مشاكل هذه الشبكة

تقبلي تحياتي

مجرد فتاة يقول...

فعلا اسفة على التأخير
بس بجد الكمبيوتر كل ما آجي أكتب الكومنت يعلق
ما انت عارفة الكمبيوترات وعمايلها
بس عموما حلمك جميل جدا وبعيد جدا فعلا
لأنه زي ما قلتي محتاج زمان غير الزمان دة ومكان غير المكان دة
بس اياكي تتخلي عن حلمك لأن الأحلام هي اللي بتخلينا نستحمل غلاسة الواقع و هي اللي بتدي طعم الحياة
وربنا ينول كل واحد حلمه ياااااااااااا رب

Tamer Nabil يقول...

ازيك امرة من ثلج اخبارك اية


بوست اكثر من رائع

متفائل وشرعى وقيمة مطلوبة فى كل وقت

ربنا يوفقك ويكرمك

مع خالص تحياتى

جارة القمر يقول...

بصدق

في زيارتي الاولى هنا

عشقت مدونتك ولقبك

للامام دوما

وسيبقى التواصل

القمرالباكي يقول...

السلام عليكم ورحمه الله وبركاته

صباح الفل ياجميله عامله ايه ؟
قصتك جميله اوي بس مش عارفه ليه خلتني اضحك يمكن من التفاؤل الي فيها عموما قولي لست الحسن ان عايزه اشتري بيت جنبها واقعد استني امير زيها
لحسن الارض هنا ولا فيها رجوله ولا اخلاق ولاحتي ورد بقي كله شوك
تسلم ايدك واشوفك ع جزيره الاحلام

had-befham يقول...

ربنا ينولك كل احلامك

ليله شتاء يقول...

أزيك ياجميا عاملة اه
كنت عايزة أقولك حاجة وأخد رايك في حاجة
اذا كنتى موجودة افتحي الايميل

موناليزا يقول...

ربنا يحقق لك كل الخير ياحبيبتى

ســـهــــر يقول...

حكايه فى منتهى الرقه والجمال
بجد روعه يا بنوتة

تحياتى

رنداالجنوبية يقول...

صراحه اسلوبك رقيق ومميز شدني لااخر الكلام.. كتبتي بااحاسيس مرهفه فأبدعتي عزيزتي .. جنائن الجوري لروحك الطيبه.

من كل بستان زهرة يقول...

فاطومه
وبعدين يا جميله
النت برضه فاصل
النت ده رخم جدا
أنا بقى مبيني وبينه عداوه
علشان بيخليكي تختفي كده مره واحده

طمنيني عليكي يا قمر

حصان المرجيحة يقول...

ايه الكلام الجامد ده
بجد اسلوب رااااااااااائع
تسلم ايدك
و ان شاء الله ربنا يرزقك احسن من الامير ده
ههههههههههه

إمرأه من ثلج يقول...

جارة القمر
نوررررررررررررررررتى
انتى الاحلى
ان شاء اللة يدوم التواصل

amr elsharqawy يقول...

حلم جميل ... وجماله فى بسطه
ربنا يجعل كل احلامك السعيده
واقع ملموس

اتمنالك من الله ان يهب لقلبك السعاده

جارة القمر يقول...

شكرا ياقمري

مجرد انسان يقول...

السلام عليكم
اسمحيلى ده اول مرور ليا على مدونتك
بس متاكد انه مش الاخير
لان مدونتك بجد جامده جدا
بجد احييكى على كلامك الجميل واختيارك للكلمات وتوظيفها الباين اوى
تمنياتى بالتقدم دائما

باحث عن حب يقول...

dhhhhhhhhiياااااااااااااااه
جميله
ياشهرزاد
فعلا
وحلم جميل
جدا
جدا
يارب يكرمك
بما تحلمين به
وافضل
استأذنك
فى اضافه مدونك فى قائمه مدوناتى
للاضافتها فى مدونتى المتواضعه

إمرأه من ثلج يقول...

باحث عن الحب
دى شرف كبير ليا نورت

إمرأه من ثلج يقول...

مجرد انسان

اهلا بيك وان شاء اللة يدوم التواصل

محمد التركى يقول...

السلام عليكم ورحمه الله وبركاته

أنا أسف جدآ جدآ على تأخيرى عن متابعت مدونتك الجميله اللى كنت محروم منها ومن كلامه الجميل

وبشكرك جدآ على أخلاقك العاليه وزوقك العالى جدآ فى سؤالك عنى ومتابعتك لمدونتى المتواضعه
ربنا يديم الود ويعلى من شأنك وقدرك العالى

أرجع بقى لبوستك الجنان ده
سبينى شويه استمتع بيه وأقرئه تانى وأرجع
سلام مؤقت

محمد التركى يقول...

الله الله الله يافطومه
أيه ياستى القصه الجامده ديه
والله جميله

عجبنى قوى
طلبت دبلة واحدة مغزولة بخيوط المطر وكمان نجمة وحتة من القمر

تعبيراتك بسيطه ممزوجه بالروعه منقوشه بالرقه مخلوطه بالأحاسيس الجميله
نابعه من أنسانه حالمه رائعه

ربنا يوفقك دايمآ
,انا أسف أنى علقت بسرعه كده كان نفسى أكتبلك ميت تعليق ومش هبقى أديتك حقك

ربنا يوفقك دايمآ ويجزيك خير
ويبعتلك أمير بجد وبحق وحقيقى ويبنيلك قصر فوق السحاب
لأنك تستهلى أكتر من كده

تقبلى مرورى

ودى وحبى وتقديرى لأعظم أميره أحلام

إمرأه من ثلج يقول...

محمد التركى

سعيدة جدا نورت المدونة

بجد شكرا على ذوقك الراقى

ربنا يطمنا عليك

إمرأه من ثلج يقول...

عمر الشرقاوى

نورت المدونة

وربنا يكرمك
تحياتى

إمرأه من ثلج يقول...

حصات المرجيحة

امين

شكرا على ذوقك

تحياتى

إمرأه من ثلج يقول...

زهرة زهرة

انا اسفة سمحينى

بحبك اوى

إمرأه من ثلج يقول...

رندا

اهلا بيكى

انتى الاروع

تحياتى

إمرأه من ثلج يقول...

سهر


نورتتتتتتتتتتتتتتتتتى

تحياتى

إمرأه من ثلج يقول...

موناليزا


اميييييييييييييييين

ربنا يكرمك

إمرأه من ثلج يقول...

حد بيفهم

اهلا بيك

منور فى زيارة اولى يدوم التواصل

إمرأه من ثلج يقول...

تامر نبيل


اهلا باروع كاتب

ربنا يكرمك

تحياتى

إمرأه من ثلج يقول...

القمر الباكى

وحشانى ياقمراية

انا عندى مككان فى الجزيرة لو حبة تيجى

تحياتى

إمرأه من ثلج يقول...

القمر الباكى

وحشانى ياقمراية

انا عندى مككان فى الجزيرة لو حبة تيجى

تحياتى

إمرأه من ثلج يقول...

مجرد فتاة

ولا يهمك

ربنا يكرمك ادعيلى

تحياتى

إمرأه من ثلج يقول...

عبير

اهلا باهل اليمن

ربنا يكرمك

إمرأه من ثلج يقول...

سكرت لف

اهلا بيك

يدوم التواصل

miroooo يقول...

يا سلام يا ست الحسن انتى اجمل من ست الحسن كمان انا باحب مدونتك وكلامك جدا والقصه دى تحفه والحلم بعيد بس بكرة اكيد هيبقى فى الايد زى ما بتقولى
ربنا يحقق لك كل احلامك وتلاقى ابن الحلال اللى يستاهلك
تحياتى

ليله شتاء يقول...

عليكى التوجه سريعا الى مدونتى وتنفي ها الواجب

الحب الجميل يقول...

السلام عليكم ورحمة الله وبركاتة
امرأة من ثلج
أول مرة أزور مدونتك بجد جميلة والبوست أكثر من رائع
قصة ولا فى عالم الخيال وأى بنوتة تحب تعيشها فى الواقع .
ويارب لكل بنوتة يكرمها بالزوج الصالح المتقى .
معليش تعليقى جة متأخر شوى بس اصلى لسا جديدة هنا وأحب انك تزورينى .
دومتى بخير .

ليله شتاء يقول...

منتظرة قبول الهدية

صدى الصمت - عاشقة الورد - يقول...

ياااااه
الحلم دة كلنا حلمنا بية
بس آسفة إنى أقولك إنه صعب تحقيقة
ولكن برضة لو بطلنا نحلم هنموت
ربنا يحققلك كل أحلامك ويسعدك
تحياتى لمدونتك الهادفة

إمرأه من ثلج يقول...

الحب الجميل

اهلا وسهلا بيكى ياقمر

ان شاء اللة يدوم التواصل

الأرمـوطــي يقول...

يا عينى يا عينى
ايه الرمانسية دى كلها ده انتى غلبتينى كدة والله امال اية حكاية الثلج دى دة انتى شمس منورة والله
عاوزين نعرف ايه الى حصل بعد متجوزوا واخبار البكارى ايه يلا شدى حيلك وشغلى الخيال والرومانسية شوية
دمتى بكل حب وسعادة

غير معرف يقول...

ياعينى يا عينى على الاحلام ...ربنا يتمم بخير
والف مليون مبروك مقدماً
تحياتى
well..كشكول 100 ورقة